محل تبلیغات شما

شمرون سسی کی تللیدن اخیامه گلیبدیر

بیلدی هامی عباسه امان نامه گلیبدیر

امان نامه



شمرون سسی کی تللیدن اخیامه گلیبدیر

بیلدی هامی عباسه امان نامه گلیبدیر

هی باشلیر امان نامه سوزین باشدان او ظالم

شرمنده إدیر, قارداشی قارداشدان او ظالم

سسلیر باجیم اوغلانلارینین ارشدی هاردا

عباس قمر طلعت و رعنا قدی هاردا

ال چکسین حسیندن, یتیرم جاه و مقامه

سرلشگر اولوب امر إلسین لشگر شامه

شمرون سسی عباسه یتیب غملی چاقیندا

رنگی سارالیب تیتردی یاپراق سیاقیندا

باشین اشاغه سالدی حسینین قاباقیندا

قلبی سیخلب آتش غیرتدن آلیشدی

خجلت تری آلنیندا, نه دیندی, نه دانیشدی

فرمایش ادیب کی خلف شاه ولایت

گور کیم چاغیریر چیخ قاباقا ایله اجابت



اهریمن ایله گلدی ملاقاته سلیمان

تل اوسته مقابل دایانوب کفریلن ایمان

شمر آچدی سوزی عرض ایلدی ای مه تابان

واردیر آرامیزدا سیزیلن حق قرابت

گلدیم ایلیم محضروه نچه نصیحت

یوخ مثل و مقابل سنه شجعان عربده

ممتاز سن البته شجاعتده, ادبده

من پیر کهنسال و جهان دیده ام عباس

سالما بو وجودین خطره موقع حساس

دریاده حسین ایندی سینیق کشتیه بنزر

عاقل بله موقع ده خطردن حذر ایلر

مندن بو سوزی ایله قبول اولما مکدر

یازدیردیم امان نامه وی من ابن زیاده

حاضردی وره خلعت و انعام زیاده

آللام سنه بیر کرسی زرین امارت

سیم و زر و قصر و خدم و میز ریاست

عباسه تکان وردی بو سوز اولدی موثر

غیظیله گلیب نطقه او سردار مدبر

لال اول ددی ای نابخرد پیر مزور

آخر بو نه سوزدور دانیشیرسان إوی بر باد

دنیادن اوتور قارداشیما إتمییم امداد

جان بسله میشم فاطمه نان نمکیندن

حاشا چکم ال ایندی حسینین أتگیندن

مکر ایله گینه وورسوز اگر نیزیه قرآن

تز گت دالی باخسان اولوسان قانووا غلطان

من عبدم علی اوغلونا, سن ابن زیاده

سن مست ری و من روش صدق و وفاده

به به اولا رحمت آناسی ام بنینه

چون دوز سود أمه ن حامی اولار دین مبینه


مرحوم_استاد_رحیم_منزوی


@ostadmonzavy

گلچین اشعار و نوحه های استادشهریار

گلچین اشعار و نوحه های انور اردبیلی

حاج حسین غفاری اردبیلی متخلص به ( غفاری )

امان ,نامه ,گلیبدیر ,عباسه ,بو ,شمرون ,امان نامه ,شمرون سسی ,هامی عباسه ,بیلدی هامی ,عباسه امان ,اخیامه گلیبدیر بیلدی ,تللیدن اخیامه گلیبدیر

مشخصات

تبلیغات

محل تبلیغات شما

آخرین مطالب این وبلاگ

آخرین ارسال ها

محل تبلیغات شما محل تبلیغات شما

آخرین جستجو ها

تبلیغات متنی